Pasienttaide ja lagasolbmuide

Dáidda siidduide lea čohkkejuvvon dehalaš diehtu Lappi guovddášbuohccevissui dikšui boahtti pasientta várás ja su lagasolbmuid várás.

Pasientarávagihpagiin leat vástádusat máŋggaide geavatlaš gažaldagaide, mat bohtet ovdan buohhcceviessodivššu,  poliklinihkkafitnama áigge dahje dan maŋŋá.

Pasienttas lea vejolašvuohta oažžut lassidieđu ja doarjaga mii gullá earret eará pasientta sajádahkii ja vuoigatvuođaide, sosiálabálvalusaide dahje silolaš áššiide.  Buohcci doaimma ja pasientadorvvolašvuođa sáhttit ovddidit ožžojuvvon máhcahaga ja várráalmmuhusaid bokte.

Seaŋgaossodagas  ja vuostáváldinovttadagain addojuvvo eambbo divššuide gulavaš dieđut.

Fuomáš!

Ale váldde fárrui stuorra ruhtasupmiid, báŋkogoartttaid, čiŋáid dahje eará árvodiŋggaid. Pasienta vástida ieš persovnnalaš dávviriiguin go lea ossodagas.
 

Gieđaid bassan eastá njoammumiid leavvama

Buohcceviesus pasienttat leat dábálaččat sili dahje čuohpadusain áhti olbmot, geat leat hearkki njoammumiidda. Máŋggat dávddat ja infekšuvnnat njommot gieđaid bokte ja levvet álkidit buohcceviesuin. Pasienttat ja guossit sáhttet ovddalgihtii eastadit njoammumiid leavvama bassamiin ja desinfiseremiin iežaset gieđaid.

Dehalaš lea  desinfiseret gieđaid fuolalaččat go boahtá buohccevissui ja go vuolgá buohcceviesus. Seaidnái giddejuvvon giehtadoidddastagat leat earret eará buocceviesu ossodagain, pasientalanjain ja poliklinihkaid vuordinhállain.

Hádjavuoidasat ja parfymat

Buohcceviesus leat ollu allergiijalaš pasienttat, oapmahaččat ja bargit, geat fidnejit hájain allergiijalaš dávdamearkkaid.  Dán dihtii lea buorre vealtit hádjavuoidasiid ja parfymaid ja garra ráhkkenčáziid geavaheami